Sunday, April 28, 2013
Tuesday, April 23, 2013
Hello
كيفكم؟؟ و انا بعدل الصور كل شوية اكتب فلوريش جود لسه ما اتعودت هههههه
المهم
حوريكم في دا البوست طريقة سهلة و حلوة و ما تكلف شي لتزيين غرفتك
شفت كتير صور في تمبلر فقلت خليني اجربها و اقولكم عليها
تحتاجي :
1) صور من اختيارك , انا اخدت صوري من الانستقرام
تقدري مثلا تحطي حكمتك المفضلة ولا كلمات تشجيعية
2) لصق او غرا
3) برنامج الوورد
4) طابعة و ورق و اذا حابة ورق مقوى
5) مقص
6) جدار > احلفي xD
نزلي الصور الي تبغيها على جهازك و بعدين افتحي برنامج الوورد
ضيفي الصور و زبطي مقاسها زي ما انتي حابة
بعدها اطبعي الصور
بعد كدا قصي الصور
جيبي اللصق و قصيه لقطع صغيرة و اثنيه على بعض زي في الصورة تحت
اذا غرا ما يحتاج بس انا اخترت اللصق عشان اقدر اشيلو لو ما ابغاه
اختاري المكان الي تبغي تزينيه و نبدا نحط الصور
شكلو النهائي
انا مرة عجبتني النتيجة ,, شي حلو انو نحتفظ بذكرياتنا
اللي تعملو توريني هوا في التويتر و الانستقرام
@7mmosa
Monday, April 22, 2013
Hello
احس اني لازم اشرح اللخبطة اللي سارت لليوم
غيرت اسم البلوق لـ 7mmosa
و هدي كلمة اخترعتها من زمااان مو اخترعتها يعني هيا اصلا كلمة حماس
بس انا اقول حموسة
فسارت عيلتي كلها تناديني حموسة من كتر ما اقولها
و كنت ابغا البلوق شي يعبر عني
فعشان كدا غيرت
و مسحت حقي اليوتيوب *دموع*
بس ان شاءالله رح تكون في فيديوهات احلى بكتيير
لاني رح اخد دا الشي بجدية اكتر
التويتير و الانستقرام سار 7mmosa كمان
@7mmosa
اتمنى تتفهمو ^^
Saturday, April 20, 2013
Saturday, April 13, 2013
Tuesday, April 9, 2013
Hello
دا البوست للي تبا تكون انيقة حتى لو في مكان زي الجامعة !
نوعت بين التنانير و البناطيل عشان اعرف انو ما يسمحو لبعض الجامعات
اخر شي عملت الصور عن طريق موقع polyvore.com
♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡
♡♡♡♡♡♡♡♡♡♡♡♡♡♡♡
قولولي ايش اكتر لبس حبيتوه في التعليقات ^^
Saturday, April 6, 2013
اتحداكِ
تقعدي يوم كامل بدون مكياج !
تعملي كيك و تاكلي قد ما تبغي
بدون ما تقلقي على وزنك!
تقولي لوحدة ضايقتك كيف حسيتي!
تضحكي بهستيرية!
تجري لحالك او مع صحباتك!
تصرخي و تبكي , طلعي كل اللي في نفسك!
تحضني احد تحبيه!
تقولي كل الي يدور براسك !
تسوي الي تحبيه
حتى لو كان تقعدي عالنت طول اليوم!
تسيبي شعرك على شكلو الطبيعي!
تغني قد ما تبغي
و ما تهتمي اذا احد علق!
تبتسمي!
اتحداكِ .. ليوم بس
ان تكوني 100% انتِ !
Tuesday, April 2, 2013
hello pretties
حاكتب في دا البوست عن روتيني في الصباح و الليل و ايش اللي استخدمه
the body shop
قبل ما اشتري دي المجموعة كنت مريضة و من المرض طلعلي اشياء زي النمش في وجهي فقلت انو لازم اعتني ببشرتي بزيادة دحين فاشتريتو و مرة اختفى اللي طلعلي *الحمدلله*
الترطيب احسن شي يكون مرتين في اليوم
دوري على منتج خفيف عالبشرة و ما يخلي بشرتك تدهن
و في الصباح حاولي تحطي واقي من الشمس حتى لو مراح تتعرضي للشمس كتير
المجموعة للبشرة العادية يعني بس تعملك ترطيب وفيها فيتامين اي
اذا تبو تعرفو فوائد الفيتامين للبشرة اضغطوا هنا
روتيني في الصباح :
1- اول ما اصحى من النوم اغسل وجهي بالغسول بعدين اطبطب على وجهي بالمنشفة .
2- Toner: احط شوية منه في قطنة و احطو على حركة دائرية.
استنى وجهي ينشف شوية بعدين ابدا بالترطيب
3- كريم للعيون
4- كريم ترطيب للصباح
بعد كذا احط الميك اب حقي عادي
5- بخاخ لانعاش الوجه و تثبيت الميك اب
في الليل:
7- امسح مكياجي قبل ما انام بمناديل جونسون للبشرة العادية
بعدين زي للصباح غسول و تونر و كريم للعين
6- كريم مرطب ليلي
منتجين استخدمهم في اي وقت
8- كريم ترطيب شديد
9- كريم ترطيب فيه واقي من الشمس استخدمه على يدي اكتر شي
دايما معايا في كل مكان عشان كدا شكلو يحزن xD
المجموعة كلها اخدتها بـ300 و حاجة
اكتبولي في التعليقات تحت اذا تبو ريفيوز عن اي منتج
Subscribe to:
Posts (Atom)