Outfit Of The Night *لوكي الليلة*

حبيت البوست دا يختلف شوية عن اللي قبل و اوريكم ايش لبست

و احس تقدرو تعرفو كتير من شخصية البنت من ستايلها ^^

ملابسي و الميك اب :

بلوزة سودة عادية و طويلة شوية

 ليقنقز بنقشة التشيتا من H&M 79 SR

________________

Garnier BB cream and roll on * medium

برونزر من شانيل

كحل ابيض من ماك عشان يبين العيون كبيرة

بودرة حواجب من ذا بودي شوب

روج عودي من ديور

حطيت مسكرة و هاي بيم من بينفت بس مما لقيتهم و انا بصور XD

عطر سيدكتيف من guess

الاكسسوارات:

new yorker

H&M
و الحلقان الصغيرة مني مفتكرة من فين والله بس انو كشك في احد المولات
مرة جمييل يبين كاني مخرمة ادني  *_*

تاني سلسلة من الفتيحي على برجي

و تالت سلسلة من H&M

___________

زي ما تلاحظو انا ركزت عالحلقان و السلاسل فا لو حطيت اساور مرة حيكون توو متش

__________

مناكيري:

طبعا دي الملابس بعد ما غيرت XD

_________

ان شاءالله يكون عجبكم لبسي ^^ و اذا وحدة تبا تعرف سعر حاجة تسال

اشتركو في مدونتي عشان تعرفو كل ما انزل بوست جديد ♡ 

STAY CLASSY

لما يتعلق الامر بالجمال ,, اقدر اقول انو 2012 كانت سنة ملييييئة بالمنتجات و الاشياء الجميلة و برضو في اشياء ما عجبتني بس محا اتكلم عنها هنا 

.....

افضل براند : 

CHANEL 

كل شي اشتريتو دي السنة ليهم عجبني بلشرز او برونزرر♡

طبعا مهي مفاجاة انها تعجبني لانها بالنسبة ليا من افض الماركات الهاي اند

افضل منتج عام :

GIVENCHY MASCARAS

 باختصار طول و كثافو و ثبات ! تستحق كل ريال تدفعيه عليه

افضل ايلاينر :

RIMMEL EYELINER 

 و في تاني حق MAYBELLINE اللي اتكلمت عليه في فيديو المفضلات

ادا تبي تشوفي الفيديو اضغطي هنا

افضل ايشادو:

NYX SMOKEY LOOK

ONE NIGHT IN MOROCCO

انا ما احب احط اي شادوز كتير احب يكون اللوك طبيعي على قد ما اقدر

و الباليت دا مرة ساعدني احقق اللوك

سواتش للالوان

مو مرة واضحة الالوان بس انا ان شاءالله حاعمل تدوينة خاصة فيه و اسوي ريفيو 

افضل كونسيلر:

GARNIER ROLL ON

درجتي متوسطة ,,تغطيته مو مرة يعني لو من جد بتخبي دا ما ينفعلك
بس انا حبيته لانو يبين اني مني حاطة شي
غير لما احط كونسيلر تقيل

افضل منتج للاظافر:

GABRINI NAIL POLISH

348
تقريبا انا كل السنة حاطتو مرة جيد
اخدتو من برا السعودية و ماعرف ادا في هنا او لا
وتاني شي مزيل المناكير من سيفورا

افضل عطر :

FANCY BY JESSICA JIMPSON

ريحة فانيلا *_*

و خلصنا المفضلات اللي لها علاقة بالجمال
باقي تدوينة وحدة و تنتهي السلسلة

انتظروها ^^

STAY CLASSY

         

 اهلا حبيباتي 

HAPPY NEW YEAR و كل سنة و انتو متابعاتي و صحباتي ♡♡

بدات سنة جديدة و فرصة لتحقيق احلامكم و انا اقول لكل وحدة عندها حلم تبغا تحققه تبدا في السنة دي حتى في اليوم دا  ,, مو لازم خطوات كبيرة بس على الاقل تتقدمي ! ♡

انا راح اسوي تدوينات اكثر ان شاءالله و اتمنى تعجبكم و زي ما بتشجعوني انا حشجعكم !

في دي التدوينة حاتكلم عن مفضلاتي للسنة بس ابدا ما تتعلق بالجمال ,, شفت انه حاجة حلوة تتعرفو عليا شوية ^^

الافلام :

مو شرط تكون انعرضت في نفس السنة ,, 

1) Girl interrupted فيلم كئب شوية 

2) harry potter and the deathly hallows part 2

3) brave دا مرة يضحك و مدري ليش عجبتني لهجتهم

4) ps i love you اضمنلك 100% انك حتبكي لو اتفرجتيه بس ترا مرة يجنن

                                                                     

مسلسلات :

1) Gossip Girl هدا الشي انا مدمنة علييه !

2) ghost Whisperer

3) Friends كل السيزونز ,, مستحيل امل منو

البومات الموسيقى :

1) born to die paradise edition

2) electra heart 

3) red

فيديو كليب :

كتب :

1) how to walk in high heels 

2) بنات الرياض ,, انا اعتقد انو منعوه بس مدري ادا صح او لا 

تطبيق :

سوولي فولو Fleurishjude ♡♡

و كدا خلصنا المفضلات ,, حيكون في تدوينة تانية بس عن الجمال فخلوكم بانتظارها ^^

شاركوني ارائكم ♡ و قولولي ايش مفضلاتكم 

STAY CLASSY 

اهلااااا

بعمل التاق الي سوته Terter ,, مررة عجبتني الاسئلة 

تقدرو تشوفو تدوينتها هنا  

عن خمسة اشياء سلبية و خمسة ايجابية

_______________

1) ايش اول / اقدم منتجات الميك اب الي عندك؟

- كحل اسود من مكياجي

- روج pink من مكياجي 

-فرشة بلشر شكلها يحزن

- بلشر من شانيل VELOURS

- eyebrow kit من دا بودي شوب *ازمن شي*

- لون شفايف MOCHA STICK من دا بودي شوب

2) ايش الحلو في ملامح وجهك و تحبين تبرزينه؟

خدودي تعجبني بس احس الغمازات مخربة الموضوع /: و رموشي مستحيل اخرج من البيت بدون مسكرا  

3) ايش المنتج اللي ممكن تدفعين فيه و تحسين مهم يكون غالي و من ماركة كبيرة ؟

الفاونداشن و البودرة لانو حتحطيه على كل وجهك فاممكن يخرب بشرتك

و كمان الكونسيلر *مخفي العيوب*

4) ايش المنتج اللي يخلص عندك بسرعة؟

مسكرا ,, عارفين ليش XD و الارواج

5) عادة سيئة و تركتيها ؟

اني كنت انام بمكياجي ,, الين عيوني اتضررت من المكياج و بعدها بطلت

_________________

1)ايش المنتج اللي ندمتي يوم اشتريتيه ؟

ترطيبو كويس و ريحتو جدا جميييلة بس لما احطو شفايفي يسير لونها ابيض

2) ايش الشي اللي مو عاجبك في وجهك و تحاولي تعدليه  او تخفيه ؟

الهالات 

3) شي عاجبك في مكياجك و الناس تقول مو حلو ؟

ما اعتقد في

4) طريقة او شي في المكياج عجزتي تضبطيه ؟

الكونتور ,, اعرف اعملو لنفسي بس مو للناس لانو كل وجه ليه طريقة معينه

5) شي ينرفزك في المكياج اللي يسويه غيرك؟

لما يكون الفاونداشن غير لون البشرة ! و مرة يكون واااضح 

و لما البلشر يكون بزيادة و اللي تحط روج صارخ في الصباح ! ليش؟! 

وبس

ان شاء الله يكون فادكم بشي ^^

شكرا ترتر و معليش اتاخرت <3 

    اهلاااا 

اول شي كل سنة و انتو طيبين و ان شاء الله تكون دي السنة من اجمل السنين .

حاتكلم عن مفضلاتي لشهر ذوالحجة ♡ 

(ما حبيت استخدم الشهور الميلادية لانو كل الناس بيستخدموها و ناسين شهورنا الهجرية )

MakeUp

1

 Rimmel 1000 Kisses Liptint + Lipbalm

اسمو Endless Blossom

مرة عجبني لانو خفيف و يبان طبيعي
يناسب للي تبا منظر ناعم

لانو تينت فحيسوي جفاف للشفتين فعشان كدا حطو مرطب Lipbalm تحتو
دا احلى شي فيه

بالنسبة للثبات اشوفو عادي ,, بيني تينت يقعد مرة اطول !

2

Rimmel Kate LipStick

لون اورانج رقم 12
من مجموعة Kate Moss
حسيت مرة يناسب للخريف و لون مرة تريندي
كان عليه عرض بـ30 بس اظن سعرو الاصلي 39


3
Givenchy Mascara

اتكلمت عنها في الفيديو الاول
على ما اعتقد سعرها 140
دي المسكرا عشقي !لااا يمكن استغنى عنها !! باقي شوية و تخلص

4
Garnier Roll On

مو مرة يغطي بس مرة كويس ادا بتحطي الميك اب بسرعة او تبي لوك غير متكلف فيه
ما اعرف ليش ما اشتريتو من اول ما نزل
الدرجة : متوسط
اقل من 40 ريال

5
Rimmel Match Perfection Blush

004 Medium/Dark
يدي لون برونز على بمبي
كل شي عاجبني فيه الا العلبة
كم مرة يضيع مني الغطا و كان احسن لو فيه مرايا ولا فرشة صغيرة

Products

1
Sephora nail polish remover

غني عن التعريف

50 ريال

2
biosphere eye makeUp Remover

من زمان كان عندي و ما كنت استخدمو كتير
دحين رجعت اكتشفتو و عجبني اكتر شي
مو بس يمسح المكياج ,, يرطب المنطقة و يخفف من الهالات
ما اعرف من فين ولا بكم

Nail Polishes

1) sephora number 39 ,, 48 ريال

2)Revlon number 721 Raven Red ,, 30 ريال

وبس هدي المفضلات ,, كنت ابا احط مفضلات تانية ما تتعلق بالتجميل بس ان شاء الله المرات الجاية

و كنت ابا اسويه فيديو بس ربنا ما اراد 

* سلامتك لولو*

لا تنسو سورة الكهف 

my twitter :

http://twitter.com/FleurishJude

Hello

من زمان عالبلوق /: ..

anyway عملت فيديو تاني على قناتي في اليوتيوب و كانت مقدمة على سلسلة من الفيديوهات بمسمى 

التجربة تقول ,, 

في كتير اشاعات و اشياء نسمعها عن الجمال ما نكون متاكدين منها و انا حساعدكم في اني اجربها و اقلكم خلاصة التجربة الي سويتها عشان كلنا نستفيد و هدي هيا الفكرة ...

التجربة الاولى :

شفت صورة عبارة عن وحدة حولت الايشادو لمناكير ,, فقلت ليش ما اجربها ,, 

و اكيد كل وحدة حيكون عندها ايشادوز كتير و في الوان ما نستخدمها ,, نستفيد منها لشي تاني 

شوفوا الفيديو عشان تعرفوا اذا نجحت او لا ..

اتمنى يكون عجبكم ,, اذا سويتوها ارسلولي الصور ^^

stay Classy 

hey sweets

دا اول فيديو ليا ^^

مشترياتي ♥

اتمنى يكون عجبكم

و ادا عندكم اي اقتراحات و انتقادات قولولي ^^