♡♡Hey Sweethearts  

تدوينة اليوم مختلفة شوية عن العادة..و باتكلم عن شي مو الكل بيحبو او بيوافق عليه ..

بغض النظر .. انا مهتمة جدا بالموسيقى و الاغاني من و انا صغيرة

فحبيت اشارككم هيا عن طريق المدونة و احتمال الاقي ناس نفس ذوقي xP

من الالبومات الي بسمعلها دي الفترة:

Too weird to live, Too rare to die!

Panic! At the disco

من قبل ما ينزل دا الالبوم و انا استنى متى تنزل التراكس

يعجبوني مرة!

*اضغطي على اسم الاغنية عشان تسمعيها^^*

Girl that you love

Casual affair

Far too young to die

وفي كمان البوم

Save Rock and Roll

Fall out boy

مع انو مكتوب انو روك بس مررة غير

انا ما احب الروك الا يكون فيه اشياء معينة..

من الالبومات اللي ولا اغنية ما حبيتها *-*

The phoenix

My songs know what you did in the dark

Alone together

Where did the party go

و من الاغاني اللي تجيب السعادة و دائما اسمعلها..

 Alive - Empire of the sun

^ مرة لازم تسمعوها T_T

اخر شي الاغنية اللي كنت اسمعلها و انا بكتب البوست

Lana del rey - summertime sadness (cedrick remix)

احس كدا كفاية لاول تدوينة في موضوع الموسيقى ..

كل روابطي : itsmyurls.com/7mmosa

Bye Bye :*

اهلااا حبيباتي♡

كيفكم؟ ان شاءالله استمتعتو بالاجازة ^^

دحين راح ارجع اعمل بوستات و فيديوهات زي اول

بس بافكر اني اخلي التدوين شي يومي .. ايش رأيكم؟ مع انو بيكون مرة صعب ..

نبدأ في بوست اليوم هو عن كريمين

-لوشن مرطب يومي بخلاصة الليمون

-كريم لتفتيح الهالات السوداء بالليمون و الجنطيان .. ؟

اول شي اللوشن

مكتوب انو يوحد لون البشرة و يمنع اسمرارها و يقلل البقع الداكنة و فيه حماية من الشمس *15*

ايجابياتو:

- اللي عجبني فيه انو يرطب و فيه حماية من الشمس حتى لو نسبة بسيطة.

                                                                  سلبياتو:

-ما شفت فيه ولا شي من المكتوب

-لما تحطيه على البشرة يترك طبقة بيضا ,, قلت يمكن من الحماية بس مرة مو حلو يغير لون البشرة

حتشوفو كيف في صورة السواتش

-ما ينشف بسرعة و يكوّن طبقة دهنية الين ما تتشربو البشرة

و دا عيب كبير اشوفو لاني اكره اني احس انو في شي في وجهي

كريم الهالات السوداء

يقلل الهالات السوداء و يساعد على الوقاية من ظهور البقع الداكنة من جديد

دي الفترة هالاتي مرة زادت تعرفو مع السهر و كدا

فاستخدمتو لاسبوعين نفس الطريقة اللي قالو عليها

الشي الايجابي الوحيد انو يرطب

  و السلبيات:

نفس اللوشن ما شفت أي شي اتغير بس انو ما يترك طبقة بيضا

سواتش:

...

في النهاية انا اقول انو منتجات البشرة احسن شي تشتري شي من ماركة كويسة حتى لو غالي 

لانو حطو في بالكم انو ممكن يعدم  بشرتكم و و كمان ما يكون ليه فايدة!

بس قلت اعطي غارنييه فرصة اخيرة بس خيبت ظني المنتجات

بعدين في نقطة  .. مكتوب على من قدام لايت! ما فهمت ايش قصدهم

هل انو مفعولو خفيف؟ و لا انو للبشرة الفاتحة؟ كيف يكون لوشن بس فيه لالوان البشرة؟ مو شي غريب!

ايش تتوقعو؟؟ ^^

انتظر ردود افعالكم و دعمكم ♡

روابطي :  itsmyurls.com/7mmosa

HELLO SWEET CUPCAKES *-*
البوست حيكون تاق من الكيوت بيان شوفو مدونتها هنا
شكرا عالتاق حبيبتي و معليش اتأخرت

القوانين :

- التصريح بان التاق دا كان من ابتكار the beau bow

- أختار 5 بيوتي بلوقرز

- أعنون الموضوع باسم التاق عشان ينعرف

1) سمِ روتين جمالي نادراً تسويه

التقشير ,, ما ادري ليش مو داخل مزاجي xP

2) هل غسل فرش المكياج حاجة دورية بالنسبة لكِ ؟

اكتر شي اغسلو هيا فرش الاي شادورز يحتاجلها تتغسل كل اسبوع

3) قد ايش تقعدي بطلاء أظافر مشوه؟

ما اقدر! في اي فرصة اروح امسحو
و اكره اشوف مناكير مقشرة في ايادي البنات كمان 

4) قد ايش تؤجلي شراء أو استبدال مستحضر بالرغم من مدى حاجتك إليه ؟

يومين او اسبوع او حت اكتر لانو مافي شي مرة مرة مهم بالنسبة لي
و اكيد يكون عندي بدائل عنو

5) اش هي أسوأ عادة جمالية لكِ؟

اني امسح مكياجي 
مررة اعاني من دا الشي اتكاسل بشكل مو طبيعي
مع انو مرة غلط /:

6) سمي حاجة غير متعلقة بالجمال دايماً تؤجليها

اني ارد على صحباتي هههه لا تستغربو ترى مرة مزاجية 

7) لمن مخططة تخرجي ، هل تستعدي من بدري ولا في آخر لحظة؟

مستحيل اتجهز قبل الخرجة بيوم
و الملابس انسقها قبل الخرجة بكم ساعة 
يعني تقريبا وقت كويس XP
بس لو خرجة عادية ما اشيل هم الملابس قبل ما اخرج بشوية البس

8) تقدري تلتزمي بفكرة انك تمنعي نفسك من النزول للسوق و الشرا؟

مررة لا يمكن امنع نفسي اني اشتري بس اني اروح السوق مستحيل
متعتي الشوبينق حتى لو كان window shopping

9) قد ايش مجموعة مكياجك و مناكيراتك مرتبة ؟

مناكيري طبعا مرتبة احسن ترتيب 
و مكياجي مرتب برضو بس ما احس لسا مو راضية عنو
باشتغل عليه زيادة ان شاءالله

10) أطول فترة قعدتِ فيها بدون ماتكتبي بوست عالبلوق تبعك؟

مدري الصراحة انا ما عندي وقت محدد انزل فيه تدوينات 
يمكن شهر و شوية على ما اعتقد ><

أختاري 5 بيوتي بلوقرز عشان يجاوبوا عالتاق

- sense of beauty
- Nora , cheek of looks
- my rosie cheeks
- black diamond
-  Aura loves

استعمتعت و انا اجاوب عالاسئلة 
ان شاءالله عجبكم البوست
روابطي تلاقوها هنا : itsmyurls.com/7mmosa

Hello Babes

كيفكم ؟ و كيف رمضان معاكم؟ 

اليوم حاتكلم عن اشياء من جد ادمنت عليها دي الفترة 

يعني حتى لما اروح السوق كل اللي ادور عليه دي الاشياء هههه

الارواج العودية $:

مين مننا ما يحب الارواج العودية ! ادمان! ♡

بعض الاحيان انسق لبس كامل على روج عودي

يطلع مرة جميل عالبنات اللي عاملين تان *-*

انا عندي 4 ارواج بمختلف درجات العودي

بس اكتر واحد عاجبني 

اللي هوا عودي على موف و هو غامق شوية 

mac - media

و بعد كدا الروج اللي استخدمو اكتر شي

من ديور 874 fantastic plum

مررة كريمي و ما ينشف الشفايف *-* 

روج من مكياجي 

مو مكتوب رقمو ولا شي لانو جا في شنطة مع اغراض تانية

احسو عودي على بني 

اخر روج من اتش اد ام 

مو داك الشي بس يؤدي الغرض

يعني لو تبي بديل ارخص تقدري تشتريه

تاني حاجة مدمنة عليها هي الهاند سانتايزرز حقت باث اند بودي ووركس

كل ما اروح هناك نفسي اخدهم كلهم )': 

اكتر شي احب ريحتو اللي هوا عاليمين فانيلا كب كيك

و دايما القاه مخلص /:

و حتى الكفرات حقتهم ابدا ما القاها !

نفسي في كفر عشان اعلقو في شنطتي 

بيطلع سو كيوت

*-*

هدي الاساور كانت حقت ماما اشترتها من تركيا لما كانت في الثنوي 

SO VINTAGE! ♡♡

انا احب الاشياء الفينتج او الهيبي *-*

فما تتخيلو قد ايش لبستهم 

دي الفترة ما سرت احط مناكير الا لو كان ابيض !

على كل الظفر مو فرنش..

موضة المناكير الابيض طلعت الصيف اللي فات و مو كل الناس اتقبلتها

هيا مررة تبرز التان حقك يعني لو ماتبي يدك تسمر لا تحطي

بس انا احس انو مرة تلفت الانظار و لون غريب محد يحطو

دورو في قوقل مناكير ابيض و شوفو الجمال *-*

اللي عندي واحد من نيكس جابتو ليا ماي بست فريند هنادي :*

و التاني اشتريتو من الاردن و دحين اتمسحت الاشياء المكتوبة عليه 

هيد باندز ورد *-*

اللي يعرفني يعرف اني اموت في شي اسمو ورردد ♡

و الاحلى انها تكون على راسي 

فكل ما اروح سوق ادور على هيد باندز ولا تيجان ورد

نادرا ما القاها فقلت اني ادور على وحدة تعملهم

اذا تعرفو اي وحدة تعمل تيجان الورد قولولي بليز :*

البيج اخدتها من نيو لوك و الموف و الخربزي من اتش اند ام

عندي اكتر مو دولا بس كانو قدامي هههه

شي ادمنت عليه و هو الكتابة !

احب اكتب ..

احاول قد ما اقدر اني اكتب حتى لو قبل ما انام 

و ما اكتب يوميات و زي كدا 

لا ,, اي شي ابا اكتب عنو

جربو اكتبو ترى شعور مرة جميل !

اخر شي لعبة كاندي كرش!

خربت حياتي ههههه

انا من النوع اللي ما احب الالعاب في الجوال بس شفت زويلا اليوتيوبر اتكلمت عنها

فقلت اجربها

و من داك اليوم خلاص اتوقع عيلتي نسيتني هههههه

و غير كدا اقل للناس كمان ينزلوها عشان تتخرب حياتهم (:

مع اني بس اخسر بس عادي ممتعة هههه

و بس كدا 

ان شاءالله عجبكم البوست :*

قولولي الاشياء اللي مدمنين عليها في الكومنتس او تويتر 

تلاقو كل روابطي هنا : ITSMYURLS.COM/7MMOSA

ما تتخيلو قد ايش انتو تفرحوني لما تتكلمو معايا $:

see u guys ;*

اهلا جميلاتي 

كل عام و انتو بخيير و رمضان كريم

ان شاءالله اول يوم رمضان كان حلو ليكم زي ما كان حلو ليا 

بس في شي من جد فرحني اليوم

وانا كنت بسمع لبرنامج حديث نساء فجأة سمعت اسمي و اسم مدونتي XD

يناااس مرة شي يحمس ههههه

فاليوم ابا اعرفكم عن دا البرنامج و مين بيعملو و ايش هدفو

اولا هو اول برنامج اذاعي نسائي

فكرتو فرش + جديدة

و هو عن اي شي يهم البنات 

بما فيه اخبار و انجازات النساء العرب 

 اللي عملت البرنامج بنت امورة اسمها الطاف خزندار

و هيا اللي تتكلم فيه

انا شخصيا اكتر حاجة عجبتني فيه انو مسجل يعني اي وقت اقدر اسمعو

و غير كدا انو بس صوت يعني تقدري تسمعيه و انتي تسوي اشياء تانية

اخر حلقة كان اسمها رمضانيات1

و كانت تتكلم عن مدونيات بنات عربيات و ايش اخر تدويناتهم

ذكرت اميرة و قورجس و مشاعل ,, اكيد كلكم تعرفوهم !

و بينهم قالت مدونتي و قناتي في اليوتيوب

هنا تقدرو تسمعو الحلقة :

http://soundcloud.com/altaf_khazindar/1-1

و هنا باقي الحلقات:

http://soundcloud.com/altaf_khazindar

مرة اشكرها و ربي يفرحها زي ما فرحتني ^^

مرة حلوة الفكرة و اتمنى تدعموهم عشان يتطور البرنامج و يسير احلى و احلى

و تقدرو تشاركوهم افكاركم عن الحلقات و تقترحو موضوعات تتكلم فيها 

Altafs twitter

وبس حابة اقلكم اني حوقف فيديوهات لشهر رمضان مابا اشغلكم و اشغل نفسي

بس ان شاءالله حكمل معاكم تدوينات *-* 

+ تلاقو كل روابطي للتواص معايا هنا :

itsmyurls.com/7mmosa

اهلا حبايبي

اخييرا فضيت و عملتلكم فيديو جديد 

كان الفيديو من اول ما شفت itsjudytime تعملها فبالي 

و فكرة الفيديو مرة سهلة بس اني اجرب المنتج لاول مرة و اعطيكم ارائي و ريفيو بسيط عنو

RIMMEL - APOCALIPS !

اخترت دا المنتج لاني سمعت مدح مرة كثيير من الاجانب قبل ما ينزل عندنا

فلما نزل قلت لازم اجربو

مع اني مرة ماحب اللب قلوس 

ما توقعت يعجبني كدا 

لون مركز , يرطب , ما يضايق , ريحتو حلوة . الباكجينق حلو

و غير كدا سعرو مو غالي يعني مو اكتر من 50!

الشي اللي ما عجبني فيه انو مرة مرة ما يثبت 

بس عشان انو لب قلوس لازم تعيدي عليه كل شوية

اللون الي عندي light year - 601

و برجع اشتري الالوان التانية 

فاذا لقيتيه في السوق مرة لا تترددي

ان شاء الله فادكم الفيديو و البوست

تقدرو تحصلو روابطي هنا : https://itsmyurls.com/7mmosa

^^

Hello babes !

من زمان ما عملت بوست وحشتني الكتابة ♡♡

كيفكم ؟ و كيف اجازتكم للان ؟ *-*

البوست حيكون مفضلاتي و اللي عجبني من اخر كولكشنز نزلوها دي الماركات

 ♡ Marcbymarc , Burberry , Chanel , MK

اللي هيا الـ Resort بمعنى منتجع او شي زي كدا 

حتفهمو اكتر لما تشوفو التصاميم ♡

CHANEL ♡

في اناقة اكتر من كدا ؟؟! ♡

النظارة مرة تجنن T_T 

مستحيل يكون في توو متش لؤلؤ لشانيل 

احس يضفي اناقة لاي لبس تلبسيه حتى لو عادي ♡

الشنطة غريبة عجبتني 

♡ BURBERRY PRORSUM

ما ابالغ لو قلت كل شي في الصورة حبيتو *-*

الالوان كانت رايقة و التصاميم عادية بس شيك وهي الاقرب لستايلي 

MARC BY MARC JACOBS ♡

 تعجبني اشياء مارك باي مارك جايكوبز احسها عملية و كلاسيك *-*

 اعتمد الالوان الغامقة غير شانيل و بربري

MICHEAL KORS ♡

ما لاحظتو انو اغلب التصاميم لتحت الركبة ؟ xD

احتشام باناقة *-*

ايش رايكم في التصاميم؟ و ايش ماركتكم المفضلة ؟

استنى تعليقاتكم على البوست ♡

كل روابطي حتلاقوها في دا الرابط حانبسط بكلامكم ^^

itsmyurls.com/7mmosa